Tuesday, November 5, 2013
Statistika interesante për SuperMarion
Sulmuesi kryesor i Milanit, Mario Balotelli, padyshim se nga njohësit e futbollit konsiderohet një nga sulmuesit më të rrezikshëm jo vetëm në Itali, por në gjithë botën.
Ish sulmuesi i Interit dhe Manchester Cityt, i njohur shpeshherë për veprime të pahijshme në terren dhe jashtë fushës, në karrierën e tij të bujshme ka tundur shumë herë portat kundërshtare.
“La Gazzetta dello Sport” në një analizë të bërë sot për SuperMarion, tregon se reprezentuesi italian ka shënuar shumë gola, por sipas kësaj gazetë, performanca dhe golat e shumta të tij janë përcjell më shumë kartona.
Balotelli i njohur si “Rebeli” me Interin ka shënuar 28 gola dhe ka marrë 27 kartona. Por, pak me mirë ishte në Manchester City, ku ai kishte tundur 30 herë portat kundërshtare, ndërsa ishte shoqëruar me 26 kartona, derisa tek Milani ka prekur 17 herë portën rivale, kurse është ndëshkuar 16 herë më kartona të verdhë.
Balotelli edhe në kombëtaren e Italisë është shoqëruar me 10 kartona në 12 golat e shënuara. Në total SuperMario ka shënuar 87 gola dhe ka marrë 79 kartona.
Sipas kësaj gazetë, këto statistika dëshmojnë qartë se sulmuesi italian duhet të ndryshojë qasjen nëse ai dëshiron të lënë prapa ndëshkimet nga ana e arbitrave.
Subscribe to:
Post Comments (Atom)
0 Responses to “Statistika interesante për SuperMarion”
Post a Comment