Football.AL

Tani Irina Shayk duket se e ka bllokuar me bukurin e saj nga afër. Historia, pra statistika zyrtare, tregon se me fanellën e Realit të Madridit CR7 ka shënuar më shumë gola se sa ndeshjet që ka luajtur, transmeton “Supersport”.

Thënë këto e duke marrë në konsideratë se ka fituar edhe Ligën e Kampionëve, por me Manchester United e jo me Realin, përse duhet t’i interesojë se që nga 2008 nuk i japin “Topin e Artë”, për një motiv apo për një tjetër.

Gjithsesi Cristiano është vërtet një fenomen, edhe pse “F” e madhe për këtë fjalë i përket Ronaldos tjetër, brazilianit, nuk mund të mos merret në konsideratë klasi i portugezit por dhe profesionalizmi i tij falë të cilit përmirësohet vit pas viti.

Edhe Carlo Ancelotti që gjatë karrierës ka pasur disa lojtarë të mëdhenj në dispozicion, duket sikur iluminohet kur flet për Cristianon. Por sonte Cristiano do të vërshëllehet dhe është vënë në shënjestër në “Juventus Stadium”.

Tifozëve nuk ju ka pëlqyer aspak skena e ndeshjes së parë pas ndërhyrjes së Ciellinit, që arbitri e vlerësoi gabim duke i dhënë mbrojtësit kartonin e kuq. Në blogjet e tifozëve “bardh e zinj” në ëeb ka shpërthyer ironia, ka nga ata që e quajnë Ronaldo Pishina, ka nga ata që informohen mbi lartësinë e trampolinës në stadium dhe ka nga ata që kërkojnë që fusha të mbushet me ujë për t’ia lehtësuar punën portugezit.

Cristiano gjithsesi nuk është nga ata tipa që tremben nga ambient i nxehtë, në ferrin turk të Galatasaray për shembull, u argëtua me një tregolësh në fitoren 6-1 të Realit një muaj e gjysmë më parë.